აუცილებელია, ჩატარდეს ნამდვილი გამოძიება, - ამის შესახებ დღევანდელ საპროტესტო მსვლელობაზე მყოფმა საქართველოს მე-5 პრეზიდენტმა სალომე ზურაბიშვილმა განაცხადა
"რეაქცია, რაც ჩვენ აქამდე მოვისმინეთ რეჟიმის ლიდერებისგან და სუს-ის გამოძიებიდან, არის აბდაუბდა. აშკარად ჩანს, რომ ეს ყველაფერი მათთვის არის დაულაგებელი, როგორ უნდა მისცენ ამას რეაქცია და ამ დროს იზრდება რეაქცია ხალხში, იზრდება რეაქცია საზღვარგარეთ და უფრო და უფრო დაბნეულები არიან.
ყველა კითხვა, რაც არსებობდა, არსებობს ახლაც და აუცილებელია, ჩატარდეს ნამდვილი გამოძიება, რაც, სამწუხაროდ, ამ ქვეყანაში ვერ ჩატარდება. საჭიროა, რომ უცხოელი ორგანიზაციები ჩაერთონ ამ გამოძიებაში იმისთვის, რომ ზუსტად გავიგოთ, რა ქიმიური [ნივთიერებები] იყო გამოყენებული. ეს ჯერ არ ვიცით და არანაირი მათი პასუხი ამაზე დამაჯერებელი არ არის", - განუცხადა ზურანიშვილმა "ტვ პირველს".
შეგახსენებთ, სუს-ის ინფორმაციით, 4-5 დეკემბრის ღამით მასების მართვისათვის გამოყენებული იქნა ნივთიერება ,,ქლორობენზილიდინ მალონონიტრილი’’, რომლის გამხსნელადაც გამოიყენეს ,,პროპილენ გლიკოლის’’ ხსნარი, არცერთი არ განეკუთვნება აკრძალულ კატეგორიას - ,,კამიტი" კი შსს-ს არასდროს შეუძენია.
