რუსეთის პრეზიდენტმა ვლადიმირ პუტინმა განაცხადა, რომ არ არის დაინტერესებული რუსეთის დაბრუნებით „დიდ შვიდეულში“, რომელიც „რვიანის“ სახელით იყო ცნობილი, ვიდრე რუსეთი 2014 წელს უკრაინის წინააღმდეგ განხორციელებული აგრესიის შემდეგ ორგანიზაციიდან არ გარიცხეს.
კრემლის მეთაურმა განაცხადა, რომ რუსეთი ამჟამად არ არის დაინტერესებული G7-ში დაბრუნებით.
„დეტალებში არ შევალ, მაგრამ წარსულში მე ფაქტობრივად შევწყვიტე ამ შეხვედრებზე დასწრება“, - თქვა პუტინმა.
მან ახსენა G7 ქვეყნების წილის შემცირება გლობალურ ეკონომიკაში და გერმანიაში რეცესია.
რუსეთის ამ ფორმატში დაბრუნების შესახებ საკითხი, წარმოდგენილი იყო ტრამპის გუნდის „28-პუნქტიანი გეგმის“ პირველ ვერსიაში.
გერმანიის კანცლერმა ფრიდრიხ მერცმა უარყო რუსეთის G7-ში დაბრუნების შესაძლებლობა.
მსგავსი მოსაზრება გამოთქვა საფრანგეთის პრეზიდენტმა ემანუელ მაკრონმა და აღნიშნა, რომ რუსეთის ხელახლა მიღებისთვის არანაირი წინაპირობა არ არსებობს.
