უკრაინის ეროვნული უშიშროებისა და თავდაცვის საბჭოს მდივან რუსტემ უმეროვსა და აშშ-ის პრეზიდენტის მომლაპარაკებლებს სტივ უიტკოფსა და ჯარედ კუშნერს შორის შეხვედრა 4 დეკემბერს, ფლორიდის შტატის ქალაქ მაიამიში არის დაგეგმილი. ამის შესახებ Associated Press წყაროზე დაყრდნობით იუწყება.
სააგენტოს წყაროს ცნობით, მხარეები აპირებენ უკრაინაში ომის დასრულების „სამშვიდობო გეგმის“ დეტალების განხილვას.
წყარომ გამოცემასთან დღის წესრიგის შესახებ დამატებითი დეტალები არ გაამხილა, იმ მოტივით, რომ მას არ ჰქონდა უფლებამოსილება საჯაროდ გაეკეთებინა კომენტარი.
ამასთან, აშშ-ში უკრაინის ელმა ოლჰა სტეფანიშინამ უკრაინულ მედიას დაუდასტურა ინფორმაცია უმეროვისა და უიტკოფის დაგეგმილი შეხვედრის შეახებ.
„დელეგაციის ხელმძღვანელი რუსტამ უმეროვი, რომელსაც ამერიკელ და ევროპელ მოკავშირეებთან მოლაპარაკებების გარდა სხვა სამუშაო არ აქვს, ხვალ [4 დეკემბერს] შეერთებულ შტატებში ჩაფრინდება დელეგაციასთან შემდგომი შეხვედრისთვის.“ -განაცხადა ელჩმა.
სტეფანიშინამ აღნიშნა, რომ ამ ეტაპზე მოლაპარაკებებში „დიდი პროგრესი“ არ დაფიქსირებულა, თუმცა თავად პროცესი მიმდინარეობს.
