შაბათს საღამოს, კალიფორნიის შტატის ქალაქ სტოკტონში, სავაჭრო ცენტრში, სადაც ბავშვები თანატოლის დაბადების დღის აღსანიშნავ წვეულებასზე იყვნენ შეკრებილნი, მასობრივი სროლა მოხდა, რის შედეგადაც ოთხი ადამიანი დაიღუპა და 10 დაშავდა.
ინფორმაციას Associated Press და ABC News ავრცელებენ.
სამართალდამცავი ორგანოების ცნობით, სროლის შესახებ შეტყობინება ადგილობრივი დროით დაახლოებით საღამოს 6:00 საათზე შევიდა.
ინციდენტი სავაჭრო ცენტრის საბანკეტო დარბაზში მოხდა, სადაც იმ დროს ზეიმი იმართებოდა.
„წინასწარი ინფორმაციით, ეს შესაძლოა მიზანმიმართული ინციდენტი ყოფილიყო“, - განაცხადა შერიფის ოფისის პრესსპიკერმა, ჰეზერ ბრენტმა.
შერიფის მოადგილეებმა ჟურნალისტებს დაუდასტურეს, რომ 14 ადამიანს ცეცხლსასროლი იარაღით მიყენებული ჭრილობები ჰქონდა.
ოთხი მათგანი დაიღუპა. ბრენტის თქმით, მსხვერპლთა და დაშავებულთა შორის არიან, როგორც მოზრდილები, ასევე ბავშვები.
