მედიის ცნობით, უკრაინის პრეზიდენტი ვოლოდიმირ ზელენსკი 1-ელ დეკემბერს საფრანგეთს ეწვევა და პრეზიდენტ ემანუელ მაკრონს შეხვდება. მანამდე ზელენსკი საფრანგეთში ვიზიტით ორი კვირის წინ იმყოფებოდა. ორშაბათს, მაკრონი ზელენსკის პარიზში მიიღებს.

„ლიდერები გაცვლიან მოსაზრებებს სამართლიანი და მდგრადი მშვიდობის პირობების შესახებ, ჟენევაში გამართული დისკუსიების გაგრძელებისფარგლებში, აშშ-ის გეგმაზე და ჩვენს ევროპელ პარტნიორებთან მჭიდრო კოორდინაციაზე“, - ნათქვამია ოფიციალურ კომუნიკეში.

გარდა ამისა, განხილული იქნება უკრაინის უსაფრთხოების გარანტიების საკითხები „მსურველთა კოალიციის“ ფარგლებში.

უკრაინის პრეზიდენტის წინა ვიზიტი საფრანგეთში 17 ნოემბერს შედგა.

აღნიშნული ვიზიტის დროს ხელი მოეწერა შეთანხმებას, რომელიც უკრაინისთვის 100-მდე Rafale-ის გამანადგურებლის შეძენას ითვალისწინებს.

ზელენსკიმ ასევე განაცხადა, რომ უკრაინამ საფრანგეთისგან, შესაძლოა, SAMP-T-ის ტიპის რვა საჰაერო თავდაცვის სისტემა მიიღოს.