უნგრეთის საგარეო საქმეთა მინისტრი პეტერ სიიარტო მიიჩნევს, რომ ევროკავშირმა უნდა შეწყვიტოს „ევროპის მოქალაქეების ფულის გაგზავნა უკრაინაში“ ბოლო კორუფციულ სკანდალთან დაკავშირებით.
„ბრიუსელი უკვე მრავალი წელია, რაც ევროპული ფულით აფინანსებს უკრაინის სახელმწიფოს ოპერაციებს.
ამასთან, უკრაინაში კორუფცია მძვინვარებს, ამიტომ გასაკვირი არ არის, რომ ჯერ არავის უნახავს ზუსტი ანგარიში იმის შესახებ, თუ როგორ იხარჯება ევროკავშირის სახსრები... რა სურს ბრიუსელს? კიდევ უფრო მეტი ფული გაუგზავნა უკრაინაში, პრეზიდენტ ზელენსკისთვის, რომლის ახლო წრეშიც ახლახანს დიდი კორუფციული ქსელი აღმოაჩინეს...
დროა, შევაჩეროთ ეს სიგიჟე; ჩვენ უნდა შევწყვიტოთ უკრაინაში ევროპის მოქალაქეების ფულის გაგზავნა!“, - წერს სიიარტო.
მან ასევე აღნიშნა, რომ ვიდრე პარტია „ფიდესი ხელისუფლებაშია, „უნგრელ ხალხს შეუძლია დარწმუნებული იყოს: უნგრელი ხალხის ფული უკრაინაში არ წავა“.
ცნობისათვის, უკრაინის ეროვნულმა ანტიკორუფციულმა ბიურომ მასშტაბური კორუფციული საქმის გახსნის შესახებ გაავრცელა ინფორმაცია. საქმე ეხება უკრაინის სახელმწიფო კომპანიის „ენერგოატომის“ თანხების გაფლანგვას. სამართალდამცველებმა რამდენიმე ადამიანის სახლში, მათ შორის გერმან გალუშენკოს სახლში ჩხრეკა ჩაატარეს. თანამდებობა დატოვეს იუსტიციის მინისტრმა გერმან გალუშენკომ და ენერგეტიკის მინისტრმა სვეტლანა გრინჩუკმა. კორუფციული სქემის ფიგურანტია ზელენსკის ახლო მეგობარი თემურ მინდიჩი, რომელმაც ქვეყანა უკვე დატოვა.
