ბრაზილიის პარანას შტატს ძლიერი ტორნადო დაატყდა თავს, რის შედეგადაც, სულ მცირე ექვსი ადამიანი დაიღუპა, 437 დაშავდა, ხოლო თითქმის 1000 ადამიანი იძულებული გახდა სახლები დაეტოვებინა. ინფორმაციას Reuters ავრცელებს.
ყველაზე მეტად ქალაქი რიუ-ბონიტო-დუ-იგუასუსი დაზარალდა, სადაც, შტატის სამოქალაქო თავდაცვის მონაცემებით, ქალაქის შენობების ნახევარზე მეტი მნიშვნელოვნად დაზიანდა. ბევრ შენობას სახურავი აეხადა, ხოლო საცხოვრებელ და ადმინისტრაციულ შენობებში მრავალი სტრუქტურული დაზიანება დაფიქსირდა.
შტატის ხელისუფლების ცნობით, 437 ადამიანი დაშავდა, ხოლო ათასზე მეტი მცხოვრები იძულებული გახდა ევაკუირებულიყო. მეზობელ ქალაქ გუარაპუავასაც მნიშვნელოვანი ზიანი მიადგა.
პარანას შტატის მეტეოროლოგიური და გარემოსდაცვითი სამსახურის ცნობით, ტორნადოს დროს ქარის სიჩქარემ 250 კმ/სთ-ს მიაღწია.
