აშშ-მა უნგრეთი რუსულ ნავთობთან დაკავშირებით სანქციებისგან გაათავისუფლა, – ამის შესახებ უნგრეთის პრემიერ-მინისტრმა, ვიქტორ ორბანმა აშშ-ის პრეზიდენტთან, დონალდ ტრამპთან შეხვედრის შემდეგ განაცხადა.
„ჩვენ მივიღეთ სანქციებისგან სრული გათავისუფლება „თურქული ნაკადისა“ და „დრუჟბას“ მილსადენებისთვის”, - განაცხადა ტრამპმა.
ამგვარად, უნგრეთს შეუძლია გააგრძელოს ნავთობისა და გაზის შესყიდვა რუსეთიდან.
ორბანის თქმით, „უნგრეთს ენერგიის ყველაზე იაფი ფასები კვლავ ექნება“.
მიუხედავად იმისა, რომ დონალდ ტრამპი ზოგადად ეწინააღმდეგება სხვა ქვეყნების მიერ რუსული ენერგორესურსების შეძენას, ორბანმა განაცხადა, რომ მან ამ საკითხზე აშშ-ის პრეზიდენტისგან დახურულ კარს მიღმა თანხმობა მიიღო.
„ჩვენ ასევე ვავითარებთ აშშ-უნგრეთის ფინანსური თანამშრომლობის ახალ ფორმებს უნგრეთის ფინანსური სტაბილურობის გასაძლიერებლად და შესანარჩუნებლად,“ - აღნიშნა ორბანმა.
