4 ნოემბრის ღამეს, უკრაინის სპეციალური ოპერაციების ძალების დანაყოფები თავს დაესხნენ რუსეთის ფედერაციის ნავთობგადამამუშავებელი ინფრასტრუქტურის ორ სტრატეგიულ ობიექტს.
სპეცრაზმმა ბაშკირეთის რესპუბლიკაში [უკრაინის საზღვრიდან 1300 კილომეტრზე მეტ მანძილზე მდებარეობს] სტერლიტამაკის ნავთობქიმიურ ქარხანას შეუტია.
საწარმო საავიაციო ნავთის, კაუჩუკისა და იონოლის მთავარი მწარმოებელია.
ქარხანას სტრატეგიული მნიშვნელობა აქვს რუსეთის თავდაცვის სამრეწველო კომპლექსისთვის, ასევე რუსეთის ბიუჯეტის შევსებისთვის.
ადგილობრივმა ხელისუფლებამ დაადასტურა აფეთქებებისა და ნგრევის ფაქტი ქარხანაში.
უკრაინის სპეციალური ოპერაციების ძალებმა ასევე დაადასტურეს, რომ მთავარ სადაზვერვო სამმართველოსთან და უსაფრთხოების სამსახურთან კოორდინაციით, იერიში მიიტანეს რუსეთის ერთ-ერთ უდიდეს, ნიჟნი ნოვგოროდის ნავთობგადამამუშავებელ ქარხანაზე.
