ჰაიტიში ქარიშხალ „მელისასგან“ გამოწვეული წყალდიდობის შედეგად დაღუპულთა რაოდენობამ 40-ს მიაღწია. ამის შესახებ Associated Press იუწყება. კიდევ ათი ადამიანი კვლავ დაკარგულად არის მიჩნეული.
სამოქალაქო დაცვის სააგენტოს ხელმძღვანელმა, სტივენ არისტილმა განაცხადა, რომ სამხრეთით მდებარე ქალაქ პეტი-გოავში ოცი ადამიანის დაღუპვა დადასტურდა.
ხელისუფლების ინფორმაციით, რეგიონში ძლიერი წვიმების გამო, დაღუპულთა რიცხვი შესაძლოა გაიზარდოს.
მსხვერპლია იამაიკაშიც. აქ რვა ადამიანი დაიღუპა, დომინიკის რესპუბლიკაში ერთი ადამიანი დაიღუპა, კიდევ ერთი დაკარგულად მიიჩნევა.
ქარიშხალმა მასშტაბური ნგრევა გამოიწვია კუბაში.
