Axios-თან ინტერვიუში უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთის პრეზიდენტი ვლადიმირ პუტინი, სავარაუდოდ, არ მიიღებს „მსურველთა კოალიციის“ მიერ შემუშავებულ სამშვიდობო გეგმას.
გამოცემა იუწყება, რომ პრეზიდენტებს დონალდ ტრამპსა და ზელენსკის შორის შეხვედრის შემდეგ, ბრიტანეთის პრემიერ-მინისტრმა კირ სტარმერმა შესთავაზა ტრამპის ღაზის გეგმის მიხედვით სამშვიდობო წინადადების წარდგენა.
ზელენსკიმ ეს საკითხი გასულ კვირას სტარმერთან და სხვა ევროპელ ლიდერებთან განიხილა. უკრაინის პრეზიდენტმა მათ განუცხადა, რომ ღაზაში და უკრაინაში არსებული სიტუაციები განსხვავებულია, თუმცა ის მზადაა ამ საკითხზე იმუშაოს.
უკრაინის პრეზიდენტის თქმით, გეგმა უნდა იყოს მოკლე, ბევრი დეტალის გარეშე.
„რამდენიმე მოკლე პუნქტი. მაგალითად, ცეცხლის შეწყვეტის გეგმა. ჩვენ გადავწყვიტეთ, რომ ამ საკითხზე მომდევნო კვირის ან 10 დღის განმავლობაში ვიმუშავებდით“, - განაცხადა ზელენსკიმ.
ამავდროულად, ზელენსკიმ სკეპტიციზმი გამოთქვა იმასთან დაკავშირებით, რომ პუტინი მზად იქნება ნებისმიერი სამშვიდობო გეგმის მისაღებად.
„რუსეთს ამის გაკეთება არ შეუძლია. მას საკმარისი ხალხი არ ჰყავს. მისი ძლიერი ბატალიონები განადგურდა. დღეს ბრძოლის ველზე ჩვენ ძირითადად იქ ვრჩებით, სადაც ბოლო 2-3 თვის განმავლობაში ვიყავით,“ - განაცხადა ზელენსკიმ.
