უკრაინის პრეზიდენტის ვოლოდიმირ ზელენსკის განცხადებით, მიმდინარე კვირაში მტერმა იერიში მიიტანა საცხოვრებელ შენობებზე, ადამიანებზე და სამოქალაქო ინფრასტრუქტურაზე.
„რუსეთის ყოველი თავდასხმა არის მცდელობა, რაც შეიძლება მეტი ზიანი მიაყენოს ჩვეულებრივ ცხოვრებას. ამ კვირაში ეს არის თავდასხმები საცხოვრებელ შენობებზე, ჩვენს მოსახლეობაზე, ბავშვებზე და სამოქალაქო ინფრასტრუქტურაზე. ისენი არიან რუსების მთავარი სამიზნეები.
რუსეთმა უკრაინის წინააღმდეგ სულ რაღაც ერთ კვირაში სხვადასხვა ტიპის იარაღით ათასობით დარტყმა განახორციელა, მათ შორის თითქმის 1200 თავდასხმის დრონით, 1360-ზე მეტი მართვადი ბომბით და 50-ზე მეტი სხვადასხვა ტიპის რაკეტით“, - აღნიშნა მან.
მისი თქმით, მხოლოდ გუშინ ღამით რუსებმა უკრაინაში 100-ზე მეტი დრონი გაუშვეს.
ზელენსკის ცნობით, კიევზე თავდასხმის შედეგად უკვე სამი ადამიანი დაიღუპა, ათობით დაშავდა, მათ შორის ბავშვები, და ქალაქის რამდენიმე რაიონში მრავალსართულიანი შენობები დაზიანდა.
პრეზიდენტმა აღნიშნა, რომ ყველა ამ თავდასხმის მიუხედავად, უკრაინა აქტიურად იცავდა თავს ბრძოლის ველზე, ცაში და დიპლომატიის მხრივ.
„რუსეთზე ზეწოლას მნიშვნელოვანი შედეგები აქვს - ევროკავშირის სანქციების მე-19პაკეტი და აშშ-ის ახალი სანქციები რუსული ნავთობის წინააღმდეგ“, - დასძინა მან.
ზელენსკიმ პარტნიორებს ამ ნაბიჯებისთვის მადლობა გადაუხადა და ხაზი გაუსვა, რომ მნიშვნელოვანია ეს არ გაჩერდეს. „ჩვენ ველით, რომ ეს სანქციები სინქრონიზებული იქნება G7-სა და სხვა პარტნიორ იურისდიქციებში.
და, რა თქმა უნდა, საჭიროა დამატებითი ტარიფები და სანქციები რუსეთისა და ყველას წინააღმდეგ, ვინც მას ზედაპირზე დარჩენაში ეხმარება.
ზეწოლა აუცილებლად ხელს შეუწყობს მშვიდობის დამაყარებას. მადლობას ვუხდი ყველას, ვისაც ამაში წვლილი შეაქვს“, - აღნიშნა ზელენსკიმ.
