ფინეთის პრეზიდენტმა ალექსანდრ სტუბმა უკრაინის პრეზიდენტ ვოლოდიმირ ზელენსკის ევროპელ ლიდერებთან ერთობლივ საუბარს გამოეხმაურა.
„ახლახან დავასრულე სატელეფონო საუბარი ვოლოდიმირ ზელენსკისთან და ევროპელ ლიდერებთან.
ჩვენ მტკიცედ ვუჭერთ მხარს უკრაინას. ეს გულისხმობს სამხედრო და ფინანსურ დახმარებას, უსაფრთხოების გარანტიებს, ცეცხლის შეწყვეტას და სამშვიდობო პროცესს.
მუშაობა გრძელდება. ისე არავის სურს ამ ომის დასრულება, როგორც უკრაინელებს“, - წერს ფინეთის პრეზიდენტი.
შეგახსენებთ, ვოლოდიმირ ზელენსკი დონალდ ტრამპთან შეხვედრის შემდეგ ევროპელ ლიდერებს ტელეფონით ესაუბრა.
„მე მქონდა ერთობლივი სატელეფონო საუბარი ევროპელი ლიდერების ჯგუფთან, „მსურველთა კოალიციის“ მთავარ წარმომადგენლებთან. საუბარში ასევე მონაწილეობდნენ ესწრებოდნენ ურსულა ფონ დერ ლეიენი და ანტონიო კოშტა“, - თქვა ზელენსკიმ.
მისივე თქმით, საუბარში ასევე მონაწილეობდნენ ფინეთის პრეზიდენტი ალექსანდრ სტუბი, ბრიტანეთის პრემიერ-მინისტრი კირ სტარმერი, პოლონეთის პრემიერ-მინისტრი დონალდ ტუსკი, ნორვეგიის პრემიერ-მინისტრი იონას გარ სტიორე, იტალიის პრემიერ-მინისტრი ჯორჯია მელონი და ნატო-ს გენერალური მდივანი მარკ რუტე.
ზელენსკის თქმით, ევროპელ პარტნიორებთან კონკრეტულად საჰაერო თავდაცვის საკითხებსა და PURL-ის ინიციატივის ფარგლებში მხარდაჭერაზე ისაუბრა, რომლის თანახმადაც ევროპელი პარტნიორები ამერიკული იარაღის უკრაინაში გადასაცემად თანხებს გამოყოფენ.
