ეუთო-ს მოქმედმა ხელმძღვნელმა და ამავდროულად ფინეთის საგარეო საქმეთა მინისტრმა რაც იკადრა, არაფერში წერია, ეს ქართული სახელმწიფოს და ქართული საზოგადოების შეურაცხყოფაა, – ამის შესახებ „ქართული ოცნების“ წევრმა, ირაკლი ზარქუამ განაცხადა.
„რადიკალებთან ერთად რუსთაველზე დადგა. 20-30 კაცი იყო, სადაც უკვე რამდენი ხანია, უსაფუძვლოდ კეტავენ ქუჩას. ამით ეს უსამშობლოები და რადიკალები ძალადობენ, მათ შორი ადგილობრივ მოსახლეობაზე, ვინც იქ ცხოვრობს და სწორედ მათი წახალისება იყო, ის რაც გააკეთა ქალბატონმა ელინამ. ამასთან, დაკავშირებით ბუნებრივია, რეაგირება სწორი და ადეკვატური იქნებოდა ჩვენი ხელისუფლებისგან. ის შეხვედრა, რომელიც დაგეგმილი იყო, ბუნებრივია, ჩაიშლებოდა და კიდეც ჩაიშალა. კიდევ ერთხელ მინდა, ქალბატონ ელინას მოვუწოდო, ისინი ძალიან აცდენილნი არიან თავიანთ მანდატებს, როგორც ელჩების ნაწილში, ასევე თვითონ. მე არ ვიცი ეს რას უკავშირდება, დაკავშირებულია არაკომპეტენტურობასთან, უცოდინრობასთან თუ დაკვეთის შესრულებასთან. ცუდად ჩანს, როდესაც მიდიხარ რუსთაველის პროსპექტზე რადიკალებთან, თან ცრუობ და ამბობ, მშვიდობიანი მომიტინგეებიო. ქალბატონამ ელინამ შეურაცხყოფა მიაყენა ქართულ საზოგადოებას და სახელმწიფოს, ამიტომაც ახლა რადიკალებს და უსამშობლოებს ელაპარაკოს. ის მანდატი დაარღვია, რის მანდატითაც აქ ჩამოვიდა. როდესაც აქ ჩამოდიხართ ეუთო-ს თავმჯდომარის მანდატით და ამავდროულად ფინეთის საგარეო საქმეთა მინისტრი ხარ, მეტი პასუხისმგებლობა და მეტი დაკვირვებულობა მართებს. შერცხვენილია“, – განაცხადა ზარქუამ.
