ისრაელის შეიარაღებულმა ძალებმა (IDF) ქალაქ ღაზაზე სახმელეთო ოპერაცია დაწყო. ამის შესახებ Axios ანონიმურ ისრაელელ ოფიციალურ პირებზე დაყრდნობით იუწყება.
აღნიშნულია, რომ ბოლო დღეების განმავლობაში ისრაელის სამხედროებმა თანდათანობით გაზარდა საჰაერო დარტყმები ღაზასა და მის გარშემო, თუმცა არ გაუგზავნია სახმელეთო ჯარები მჭიდროდ დასახლებულ ქალაქის ჩრდილოეთით, როელსაც, სავარაუდოდ, ასობით ათასი პალესტინელი აფარებს თავს.
ისრაელის თავდაცვის ძალების ცნობით, ბოლო კვირების განმავლობაში დაახლოებით 300 000 პალესტინელი გაიქცა ქალაქ ღაზიდან, მას შემდეგ, რაც წლის დასაწყისში მისი მოსახლეობა დაახლოებით ერთ მილიონ იძულებით გადაადგილებულ პირამდე გაიზარდა.
ისრაელის თავდაცვის ძალების სარდლობამ ღაზის მცხოვრებთ ქალაქის დატოვებისკენ და სამხრეთში, „უსაფრთხოების ზონაში“ გადასვლისკენ მოუწოდა. მედიის ინფორმაციით, ქალაქი დატოვა იქ მყოფი დაახლოებით მილიონიდან 300 000-მდე ადამიანმა.
ისრაელის არმიამ ღაზაზე სახმელეთო შეტევა დაიწყო შეერთებული შტატების სახელმწიფო მდივან მარკო რუბიოსთან ისრაელის პრემიერ-მინისტრ ბენიამინ ნეთანიაჰუსა და მისი მთავრობის მაღალჩინოსნების შეხვედრიდან რამდენიმე საათში.
გამოცემა Axios-ის ისრაელელი წყაროების თანახმად, 15 სექტემბერს იერუსალიმში გამართულ შეხვედრაზე რუბიომ ნეთანიაჰუს გადასცა, რომ პრეზიდენტი ტრამპი მხარს უჭერს ქალაქ ღაზაში ისრაელის სახმელეთო ოპერაციას, მაგრამ სურს, რომ ეს ოპერაცია სწრაფი იყოს და რაც შეიძლება მალე დასრულდეს.
