11 სექტემბრის ღამეს, უკრაინის საზღვაო ძალებმა სევასტოპოლში რუსეთის შავი ზღვის ფლოტის საკომუნიკაციო კვანძს დაარტყა. ამის შესახებ ინფორმაციას უკრაინის შეიარაღებული ძალების საზღვაო-სამხედრო ძალების პრესსამსახური ავრცელებს.
„11 სექტემბრის ღამეს, საზღვაო ძალებმა ყირიმის დროებით ოკუპირებულ ავტონომიურ რესპუბლიკაში, სევასტოპოლში, 184-ე სამეცნიერო-კვლევითი ექსპერიმენტული ბაზის ტერიტორიაზე რუსეთის შავი ზღვის ფლოტის საკომუნიკაციო კვანძს დაარტყა. აღნიშნული საკომუნიკაციო ცენტრი უზრუნველყოფდა რუსეთის შავი ზღვის ფლოტის დანაყოფების კონტროლს“, - ნათქვამია ინფორმაციაში.
