აშშ-ის პრეზიდენტმა დონალდ ტრამპმა პირად საუბრებში აღიარა, რომ მან არასწორად შეაფასა ვლადიმირ პუტინის განზრახვები უკრაინაში ომთან დაკავშირებით. ამის შესახებ Axios-ი წყაროებზე დაყრდნობით წერს.
„მიუხედავად, რომ ტრამპის დაპირებისა უკრაინაში ომი დასრულების შესახებ, ბოლო დროს მას ეჭვი შეეპარა პუტინზე გავლენის მოხდენის შესაძლებლობაში.
„მან თავის ნდობით აღჭურვილ პირებთან აღიარა, რომ არასწორად შეაფასა პუტინის სურვილი მშვიდობის მიმართ“, - წერს გამოცემა.
ამის მიუხედავად, აშშ-ის პრეზიდენტი კვლავ თავს არიდებს რუსეთის წინააღმდეგ ახალი სანქციების დაწესებას.
დღეს მან განაცხადა, რომ მზადვაა, რუსეთს სერიოზული სანქციები დაუწესოს, თუ ნატო-ს ქვეყნებიც იგივეს გააკეთებენ და ასევე შეწყვეტენ რუსეთიდან ნავთობის შეძენას
მხოლოდ ამ პირობების შესრულების შემდეგ ის რუსეთის ფედერაციის წინააღმდეგ ახალ სანქციებს დააწესებს. ერთი თვის წინ, ტრამპის მიერ სანქციების დაწესების პირობები უფრო რეალისტური იყო: თუ პუტინი უახლოეს მომავალში არ დათანხმდებოდა უკრაინაში ცეცხლის შეწყვეტას ან არ გადადგამდა მნიშვნელოვან ნაბიჯებს მშვიდობისკენ.
თუმცა ტრამპმა სანქციები არ დააწესა.
თუმცა, როგორც გამოცემა აღნიშნავს, ახლა ტრამპის ადმინისტრაცია ცდილობს, რუსეთის წინააღმდეგ სანქციებზე მთელი პასუხისმგებლობა ევროპას დააკისროს.
ევროპა შეშფოთებულია ტრამპის სუსტი რეაგირებით პოლონეთში რუსეთის მიერ დრონებით განხორციელებულ პროვოკაციაზე.
მან კიდევ ერთხელ სცადა კრემლისთვის პასუხისმგებლობის არიდება და ინციდენტს შეცდომა უწოდა, რაც ეჭვქვეშ აყენებს აშშ-ის მზადყოფნას, შეასრულოს ნატო-სთან დაკავშირებული ვალდებულებები.
