უკრაინის მთავარი სადაზვერვო სამმართველოს ცნობით, უწყების სპეცრაზმმა 10 სექტემბერს ნოვოროსიისკთან ახლოს რუსეთის შავი ზღვის ფლოტის ძვირადღირებული გემი წარმატებით გაანადგურა.
„უკრაინის თავდაცვის სამინისტროს მთავარი სადაზვერვო სამმართველოს მეთაურებმა უკრაინული წარმოების საბრძოლო დრონით ზუსტი დარტყმა განახორციელეს საკონტროლო ხიდის ტერიტორიაზე, სადაც, კერძოდ, გემის ნავიგაციისა და კომუნიკაციის აღჭურვილობაა განთავსებული. დარტყმის შედეგად, მტრის გემის ელექტრონული საბრძოლო აღჭურვილობა განადგურდა და გემი მწყობრიდან გამოვიდა, რაც ძვირადღირებულ რემონტს საწიროებს“, - ნათქვამია ინფორმაციაში.
აღნიშნულია, რომ თავდასხმის დროს მტრის გემი ელექტრონულ დაზვერვას ახორციელებდა და ნოვოროსიისკის ყურის მისადგომებთან პატრულირებდა.
მედიის ცნობით, მრავალფუნქციური ხომალდი MPSV07 რუსებმა ექსპლუატაციაში 2015 წელს ჩაუშვეს.
მისი ღირებულება დაახლოებით 60 მილიონი დოლარია. რუსეთში ასეთი მხოლოდ ოთხი ხომალდია.
