აშშ-ის პრეზიდენტმა დონალდ ტრამპმა განაცხადა, რომ ის ძალიან მალე გამართავს მოლაპარაკებებს რუსეთის ლიდერ ვლადიმირ პუტინთან, მისივე თქმით, და ევროპელი ლიდერებს კვირის დასაწყისში თეთრ სახლში შეხვდება. ამის შესახებ ტრამპმა ავიაბაზა Andrews-ზე განაცხადა. იუწყება CNN
„ძალიან მალე. უახლოეს რამდენიმე დღეში. მისმინეთ, ჩვენ ამას გავაკეთებთ. რუსეთსა და უკრაინას შორის არსებულ სიტუაციასთან დაკავშირებით. ჩვენ ამას გავაკეთებთ,“ - განაცხადა ტრამპმა.
მედია აღნიშნავს, რომ კვირა ღამით რუსეთმა ყველაზე მასშტაბური საჰაერო თავდასხმა განახორციელა, 800-ზე მეტი დრონის გამოყენებით და პირველად დაარტყა კიევში მთავრობის შენობას.
„მე არ ვარ კმაყოფილი იქ მიმდინარე მოვლენებით [რუსეთის თავდასხმებით]. მე მჯერა, რომ ამას მოვაგვარებთ. მაგრამ მე მათით კმაყოფილი არ ვარ. მე არ ვარ კმაყოფილი არაფრით, რაც ამ ომთან არის დაკავშირებული,“ - განაცხადა ტრამპმა.
CNN-ის ცნობით, ტრამპმა ასევე მიანიშნა, რომ კვირის დასაწყისში ზოგიერთი ევროპელი ლიდერი თეთრ სახლს ეწვევა.
„ორშაბათს ან სამშაბათს ჩვენს ქვეყანაში რამდენიმე ევროპელი ლიდერი ჩამოვა და ვფიქრობ, ამ საკითხს მოვაგვარებთ,“ - აღნიშნა ტრამპმა.
