კიევში რუსული დრონები დედაქალაქის სვიატოშინისა და დარნიცის რაიონებში მრავალსართულიან საცხოვრებელ კორპუსებს თავს დაესხნენ, რასაც ხანძარი და ნგრევა მოჰყვა. სამი ადამიანი დაიღუპა, მათ შორის ერთი 1 წლამდე ბავშვია. დაშავდა კიდევ 13 ადამიანი. ინფორმაციას კიევის მერი ვიტალი კლიჩკო ავრცელებს.
„სვიატოშინის რაიონში უპილოტო საფრენი აპარატის ნამსხვრევების ჩამოვარდნის შედეგად მანქანები იწვის. შემთხვევის ადგილზე სასწრაფო დახმარების სამსახურები მიემართებიან,” -დაწერა კლიჩკომ.
მანამდე უკრაინის დედაქალაქში აფეთქებების სერია მოხდა.
KMV-ის ხელმძღვანელის თქმით, მიიღება ინფორმაცია საცხოვრებელი შენობების დარტყმის შესახებ - ცხრა და თექვსმეტსართულიანი შენობები სვიატოშინსკის რაიონში.
კიევის საქალაქო სახელმწიფო ადმინისტრაციის ხლმძღვანელის ტიმურ ტკაჩენკოს განცხადებით, ვრცელდება ინფორმაცია საცხოვრებელი შენობებზე დარტყმის შესახებ. მისივე ცნობით, შეტევა განხორციელდა ცხრა და თექვსმეტსართულიანი შენობებზე სვიატოშინის რაიონში.
„ვრცელდება ინფორმაცია მტრის დრონების მიერ სვიატოშინის რაიონში 9-სართულიან საცხოვრებელ შენობებზე თავდასხმის შესახებ. ასევე კიდევ რამდენიმე სხვა ლოკაციაზე. ადგილზე ხანძრია.“
ასევე დარნიცის რაიონში, თავდასხმის შედეგად, დაზიანდა 4-სართულიანი საცხოვრებელი შენობა. რუსები განზრახ და შეგნებულად ესხმიან თავს მშვიდობიან მოსახლეობას“, - აცხადებს ტკაჩენკო.
ამასთან, დრონის ნამსხვრევების ჩამოვარდნის გამო, უკრაინის დედაქალაქში მინისტრთა კაბინეტის შენობას ცეცხლი გაუჩნდა.
