კივეში, მიტანილი იერიშის შედეგად, დრონის ნამსხვრევების ჩამოვარდნის გამო, უკრაინის დედაქალაქში მინისტრთა კაბინეტის შენობას ცეცხლი გაუჩნდა. ინფორმაციას კიევის მერი ავრცელებს.
„პეჩორის რაიონში, სავარაუდოდ, უპილოტოს ჩამოგდების შედეგად, მთავრობის შენობაში ხანძარი გაჩნდა. მეხანძრეები ადგილზე მუშაობენ“, – წერს კლიჩკო.
კლიჩკოს თქმით, ხანძარია ასევე კიევის სვიატოშინის რაიონში საწყობების შენობებში. იქაც საგანგებო სამსახურები მუშაობენ.
7 სექტემბრის ღამეს რუსმა ოკუპანტებმა კიევს დრონებითა და რაკეტებით შეუტიეს. ბოლო მონაცემებით, 3 ადამიანი დაიღუპა და 11 დაიჭრა.
