უკრაინული მედიის ინფორმაციით, 31 აგვისტოს ღამეს რუსეთმა ოდესის ოლქზე მოიერიშე დრონების გამოყენებით მასირებული იერიში მიიტანა, რის შედეგადაც ერთი ადამიანი დაშავდა.
ცნობილია, რომ ყველაზე მეტად ჩერნომორსკი და მისი შემოგარენი დაზარალდა. დარტყმის შედეგად დაზიანდა ენერგეტიკული ინფრასტრუქტურა.
ამჟამად, ელექტროენერგიის გარეშე 29 ათასზე მეტი აბონენტია დარჩენილი.
ასევე დაზიანდა კერძო სახლები და ადმინისტრაციული შენობები. რამდენიმე ლოკაციაზე ხანძარი გაჩნდა. ერთი ადამიანი დაშავდა.
