საფრანგეთის ქალაქ ევრეში, ავტომობილის მძღოლმა, ქალაქის ცენტრში შეკრებილ ადამიანთა ჯგუფში შევარდა. ინციდენტის შედეგად ერთი ადამიანი დაიღუპა. ინფორმაციას Le Figaro ავრცელებს.
ქალაქის პროკურატურის ცნობით, ინციდენტი ადგილობრივ ერთ-ერთ ბარში დაპირისპირების შემდეგ მოხდა.
პროკურორის თქმით, პირი ავტომობილით მაღალი სიჩქარით განზრახ შევარდა დაწესებულებასთან ახლოს შეკრებილ ხალხში.
შედეგად, ერთი ადამიანი დაიღუპა და ხუთი დაშავდა. სამი ადამიანი დააკავეს და გამოძიება მკვლელობისა და მკვლელობის მცდელობის ფაქტებზე დაიწყო.