აშშ-ის ადმინისტრაციამ ვიზები გააუქმა პალესტინელი ოფიციალური პირებისთვის, რომლებიც აშშ-ში სექტემბერში დაგეგმილ გაეროს 80-ე გენერალურ ასამბლეაზე დასასწრებად მიემგზავრებოდნენ.
აშშ-ის სახელმწიფო დეპარტამენტმა განაცხადა, რომ დონალდ ტრამპის ადმინისტრაციამ პალესტინის განმათავისუფლებელი ორგანიზაციის და პალესტინის ავტონომიის წარმომადგენლებისთვის ვიზები გააუქმა.
„აშშ-ის კანონმდებლობის შესაბამისად, სახელმწიფო მდივანმა მარკო რუბიომ გააუქმა ვიზები პალესტინის განმათავისუფლებელი ორგანიზაციისა და პალესტინის ავტონომიის წევრებისთვის გაერო-ს გენერალური ასამბლეის მოახლოებული სესიის წინ“, - ნათქვამია განცხადებაში.
აშშ-ის სახელმწიფო დეპარტამენტმა პალესტინის ხელისუფლება დაადანაშაულა „ტერორიზმის დაგმობის უუბარობაში, ძალადობისკენ წაქეზებასა და ისრაელის წინააღმდეგ „სამართლებრივი ომის“ წარმოებაში სისხლის სამართლის საერთაშორისო სასამართლოსა და გაერო-ს საერთაშორისო სასამართლოს მეშვეობით“.
აშშ-ის ადმინისტრაციის გადაწყვეტილებამ მწვავე კრიტიკა გამოიწვია, რადგან ბევრი ქვეყანა, მათ შორის ევროპაში, გაერო-ს გენერალურ ასამბლეაზე პალესტინის სახელმწიფოს ოფიციალურად აღიარებისთვის ემზადება.
ცნობისათვის, რამდენიმე ქვეყანამ, მათ შორის საფრანგეთმა, გაერთიანებულმა სამეფომ, კანადამ და ავსტრალიამ, გამოაცხადეს პალესტინის სახელმწიფოს ოფიციალურად აღიარების გეგმები მომავალ გენერალურ ასამბლეაზე.
