ნიუ-იორკის შტატში ტურისტული ავტობუსის ავარიის შედეგად, სულ მცირე ხუთი ადამიანი დაიღუპა და 24 დაშავდა. ამის შესახებ Fox News იუწყება.
ავტობუსი ნიაგარას ჩანჩქერიდან ნიუ-იორკის მიმართულებით მოძრაობდა, როდესაც ჯენესის ოლქში გადაბრუნდა.
შტატის პოლიციის ცნობით, ავტობუსი, რომელშიც 54 მგზავრი იმყოფებოდა, ნახევრადმისაბმელს შეეჯახა და გადაბრუნდა.
მგზავრთა ნაწილი სალონიდან გადავრადა, ზოგი კი ნამსხვრევების ქვეშ აღმოჩნდა.
დაშავებულები საავადმყოფოებში გადაიყვანეს.
თვითმხილველების თქმით, ავტობუსმა კონტროლი დაკარგა, გზისპირა ზოლი გადაკვეთა და გზის პირას გადაბრუნდა.
მძღოლმა პოლიციას განუცხადა, რომ ყურადღება გაეფანტა და მოულოდნელად საჭე მკვეთრად მოატრიალა.
სამართალდამცავმა ორგანოებმა დაადასტურეს, რომ ავტობუსის ტექნიკური გაუმართაობა და მძღოლის ალკოჰოლური ან ნარკოტიკული ნივთიერებებით ინტოქსიკაცია გამოირიცხა, ამიტომ მას ბრალის არ წაუყენებენ.
