აშშ-ის პრეზიდენტი დონალდ ტრამპი და რუსეთის პრეზიდენტი ვლადიმირ პუტინი ალასკაში იმყოფებიან.
პრეზიდენტები ერთმანეთს ალასკის შტატის ქალაქ ანკორიჯის აეროპორტში შეხვდნენ და ხელი ჩამოართვეს.
ორმა ლიდერმა მათთვის გაშლილ წითელ ხალიჩაზე გაიარა და ერთმანეთს მიესალმნენ. ამის შემდეგ დონალდ ტრამპსა და ვლადიმირ პუტინს შორის მოკლე გასაუბრება იყო. შემდეგ ლიდერები შეხვედრის ადგილისკენ გაემართნენ.
დონალდ ტრამპი და ვლადიმირ პუტინი ამ წუთებში ანკორიჯის სამხედრო ბაზისკენ მიემართებიან. ისინი ერთი ავტომობილით მგზავრობენ.
