უკრაინის ძალებმა სუმის ოლქში სტეპნოესა და ნოვოკონსტანტინოვკას დასახლებები რუსი ოკუპანტებისგან გაათავისუფლეს. იტყობინება უკრაინის შეიარაღებული ძალების გენერალური შტაბი ტელეგრამის არხზე.
"225-ე ცალკეული სადესანტო პოლკის ჯარისკაცებმა აქტიურად განდევნეს მტრის დანაყოფები უკრაინის სახელმწიფო საზღვრის მიღმა", - ნათქვამია გავრცელებულ ინფორმაციაში.
გენერალური შტაბის განცხადებით, უკრაინის ძალები ყველა ღონეს ხმარობენ რუსი ოკუუპანტების შეტევითი გეგმების ჩაშლისა და მათი საბრძოლო პოტენციალის ამოწურვის მიზნით.
გენშტაბის განცხადებაში აღნიშნულია, რომ რუსული მხარე იყენებს თავის რიცხობრივ უპირატესობას და, პერსონალის დიდი დანაკარგის მიუხედავად, ცდილობს მცირე ჯგუფებად შეაღწიოს უკრაინული პოზიციების პირველი ხაზის გავლით.
აღნიშნულია, რომ უკრაინის შეიარაღებული ძალების მთავარსარდალმა, ალექსანდრ სირსკიმ, გადაწყვიტა დამატებითი ძალებისა და რესურსების გამოყოფა, რათა გამოავლინოს და გაანადგუროს მტრის დივერსიული ჯგუფები, რომლებიც თავდაცვის ხაზს აღწევენ.
11 აგვისტოს ცნობილი გახდა, რომ უკრაინელმა სამხედროებმა რუსეთის საზღვართან, სუმის ოლქში მდებარე სოფელი ბეზსალივკა გაათავისუფლეს.
