ევროპელი ლიდერები აშშ-ის პრეზიდენტ დონალდ ტრამპთან მოლაპარაკებების გამართვას გეგმავენ, ვიდრე ის ალასკაში რუსეთის პრეზიდენტს, ვლადიმირ პუტინს შეხვდება.
ამის შესახებ Bloomberg-ი წყაროებზე დაყრდნობით წერს.
აღნიშნულია, რომ ეს მოლაპარაკებები დაიწყება შეერთებული შტატების, უკრაინისა და ევროპის წარმომადგენლებს შორის ინტენსიური დიპლომატიური შეხვედრების სერიის შემდეგ. გამოცემის ცნობით, ევროკავშირის ელჩებს მოლაპარაკებების შესახებ კვირას აცნობეს. დღეს, 11 აგვისტოს, ბლოკის საგარეო საქმეთა მინისტრები ვირტუალურ შეხვედრას გამართავენ.
ევროკავშირის წარმომადგენელმა აღნიშნა, რომ ამერიკული მხარე აქტიურად მონაწილეობს დიპლომატიურ მოლაპარაკებებში და დაინტერესებულია ევროპასთან თანამშრომლობით.
ამასთაბ, გამოცემა Financial Times-ის ინფორმაციით, ევროპელი ლიდერები აშშ-ს პრეზიდენტ დონალდ ტრამპის ადმინისტრაციას 15 აგვისტოს ალასკაში ვლადიმირ პუტინთან სამიტის გამართვამდე რუსეთის წინააღმდეგ ახალი სანქციები დაწესებისკენ მოუწოდებენ. ასევე ევროპელი ლიდერები ალასკის შეხვედრაზე უკრაინის პრეზიდენტ ვოლოდიმირ ზელენსკის დასწრებასაც ითხოვენ.
როგორც ცნობილია, აშშ-ის პრეზიდენტსა და პუტინს შორის მოლაპარაკებები 15 აგვისტოს ალიასკაში გაიმართება. ეს ორი ქვეყნის ლიდერებს შორის პირველი პ შეხვედრა იქნება უკრაინაში სრულმასშტაბიანი ომის დაწყების შემდეგ.
