თურქეთის ბალიკესირის პროვინციაში 6.1 მაგნიტუდის მიწისძვრა მოხდა, რის შედეგადაც ერთი ადამიანი დაიღუპა, 29 დაშავდა და 10-ზე მეტი შენობა დაინგრა. იუწყება CNN Turk
6.1 მაგნიტუდის მიწისძვრის ეპიცენტრი ქალაქ სინდირგში იყო და მისი ბიძგები დაახლოებით 200 კილომეტრის რადიუსში იგრძნობოდა, მათ შორის სტამბოლში.
შინაგან საქმეთა მინისტრმა ალი ერლიკაიამ განაცხადა, რომ სინდირგში ჩამონგრეული შენობის ნანგრევებიდან ხანშიშესული ქალი ამოყვანიდან მალევე გარდაიცვალა.
შენობიდან კიდევ ოთხი ადამიანის გადარჩენა მოხერხდა.
ერლიკაიამ ასევე განაცხადა, რომ რეგიონში სულ 16 შენობა ჩამოინგრა, ძირითადად მიტოვებული. მან ასევე აღნიშნა, რომ მეჩეთის ორი მინარეთი ჩამოინგრა. მინისტრის თქმით, დაშავებულთაგან არცერთის მდგომარეობა მძიმე არ არის.
