ამერიკელი სენატორი ლინდსი გრემი დარწმუნებულია, რომ ომის დასრულება „ჰამასთან“ მოლაპარაკებების გზით შეუძლებელია.
მისი თქმით, ისრაელი „ჰამასის“ გასანადგურებლად სრულმასშტაბიანი სამხედრო ოპერაციის დასაწყებად ემზადება, რაც პალესტინელებისთვის უკეთეს მომავალს შექმნის.
გრემმა, პრეზიდენტ დონალდ ტრამპის პოზიციაზე დაყრდნობით, აღნიშნა, რომ „ჰამასთან“ მოლაპარაკებები ომის დასრულებამდე ვერ მიგვიყვანს, რადგან ისინი „რელიგიური ნაცისტები“ არიან, რომელთა მიზანი ისრაელის განადგურებაა.
„ჩემი აზრით, ისრაელი იმ დასკვნამდე მივიდა, რომ შეუძლებელია „ჰამასთან“ ომის დასრულება ისეთი პირობებით, რომლებიც უზრუნველყოფდა ისრაელის უსაფრთხოებას“, - აღნიშნა გრემმა.
გრემის თქმით, ისრაელი მალე დაიწყებს სრულმასშტაბიან სამხედრო ოპერაციას „ჰამასის“ განადგურების მიზნით.
„ისინი ღაზაში იმას გააკეთებენ, რაც ჩვენ ტოკიოსა და ბერლინში გავაკეთეთ - ძალით დაიკავებენ ადგილს და შემდეგ ყველაფერს თავიდან დაიწყებენ, პალესტინელებისთვის უკეთეს მომავალს შექმნიან იმ იმედით, რომ არაბები დასავლეთ სანაპიროსა და ღაზაზე კონტროლს აიღებენ“, - აღნიშნა სენატორმა.
