შეერთებულმა შტატებმა და ევროკავშირმა სავაჭრო შეთანხმებას მიაღწიეს, რომელიც 15%-იან ტარიფს ითვალისწინებს.
შოტლანდიაში ევროკომისიის პრეზიდენტ ურსულა ფონ დერ ლაიენთან შეხვედრის შემდეგ, ამერიკელმა ლიდერმა მიღწეული შეთანხმების შესახებ განაცხადა, წერს Politico.
„ეს ყველაზე დიდი გარიგებაა, რაც კი ოდესმე დადებულა“, - თქვა მან.
ურსულა ფონ დერ ლაიენმა, რომელიც ტრამპთან შესახვედრად შოტლანდიაში ჩაფრინდა, თავის მხრივ განაცხადა: „ეს რთული სამუშაო იყო. თუმცა, დიდი მადლობა ყველა წინა მოლაპარაკებისთვის, რომელიც მიზნისკენ მიმავალ გზაზე გვქონდა - და ახლა ჩვენ ამას მივაღწიეთ“.
აშშ-ის პრეზიდენტმა განაცხადა, რომ ევროკავშირი დათანხმდა 750 მილიარდი დოლარის ღირებულების „ამერიკული ენერგორესურსების შეძენას.
შეთანხმების შედეგად, ევროკავშირმა თავს აარიდა 30%-იან ტარიფები, რომლებიც პირველი აგვისტოდან უნდა შესულიყო ძალაში.
