ევროკომისიის პრეზიდენტი ურსულა ფონ დერ ლაიენი კაროლ ნავროცკის პოლონეთის საპრეზიდენტო არჩევნებში გამარჯვებას ულოცავს.
„ვულოცავ კაროლ ნავროცკის. დარწმუნებული ვარ, ევროკავშირი გააგრძელებს პოლონეთთან ძალიან კარგ თანამშრომლობას. ჩვენ ერთად უფრო ძლიერები ვართ მშვიდობის, დემოკრატიისა და ღირებულებების მქონე საზოგადოებაში. ამიტომ, მოდით, ვიმუშაოთ ჩვენი საერთო სახლისთვის უსაფრთხოებისა და კეთილდღეობის უზრუნველსაყოფად“, – წერს ურსულა ფონ დერ ლაიენი.
შეგახსენებთ, პოლონეთის საპრეზიდენტო არჩევნების მეორე ტურში კაროლ ნავროცკიმ გაიმარჯვა. ნავროცკიმ ხმათა 50.9 პროცენტი მოიპოვა.
