დღე-ღამის განმავლობაში რუსმა ოკუპანტებმა ზაპოროჟიეს ოლქში 16 დასახლებულ პუნქტს 593-ჯერ შეუტიეს, რის შედეგადაც 5 ადამიანი დაიღუპა. ამის შესახებ ზაპოროჟიეს ოლქის ადმინისტრაციის ხელმძღვანელი ივან ფიოდორვი Telegram-ზე წერს.
„ზაპოროჟიეს ოლქზე მტრის თავდასხმების შედეგად 5 ადამიანი დაიღუპა და 9 დაშავდა. დღე-ღამის განმავლობაში ოკუპანტებმა ზაპოროჟიეს ოლქის 16 დასახლებულ პუნქტზე 593 დარტყმა განახორციელეს“, - წერს ფიოდოროვი.
კერძოდ, მტერმა ზაპოროჟიეზე ერთი სარაკეტო დარტყმა, ხოლო 12 საჰაერო დარტყმა განახორციელა ტერნოვატიზე, კამენსკოეზე, გულიაიპოლზე, ჟელეზნოდოროჟნიზე და კოპანზე.
ზაპოროჟიეს, ლობკოვოს, კამენსკოეს, გულიაიპოლს, შჩერბაკს, ნოვოდანილოვკას, მალაია ტოკმაჩკას, ჩარივნეს, ნოვოდაროვკასა და ვასილიევკას 351-მა დრონმა შეუტია.
ასევე ზალპური ცეცხლის რეაქტიული სისტემების ქვეშ 6-ჯერ მოექცა კამენსკოე, ნოვოდაროვკა, მალაია ტოკმაჩკა და ლუგოვსკოე.
