ნიგერიის დასავლეთ ნაწილში, ნიგერის შტატში ძლიერი წვიმებისა და წყალდიდობის შედეგად დაღუპულთა რაოდენობა 151-მდე გაიზარდა.
საგანგებო სიტუაციების მართვის სახელმწიფო სააგენტოში განაცხადეს, რომ მოკოვას რეგიონში ძლიერი წვიმების შედეგად გამოწვეული წყალდიდობის გამო 3000-ზე მეტი ადამიანი იძულებული გახდა, საკუთარი სახლები დაეტოვებინა.
ნიგერიის პრეზიდენტმა ბოლა აჰმედ ტინუბუმ საგანგებო სიტუაციების მართვის ეროვნულ სააგენტოს (NEMA) და უსაფრთხოების ძალებს დაზარალებულ რაიონებში სამაშველო და ჰუმანიტარული ოპერაციების გაძლიერების ბრძანება გასცა.
ნიგერიაში, რომელსაც ტროპიკული კლიმატი აქვს, რეგულარულად არის ძლიერი ნალექები, რომელთა რაოდენობა მნიშვნელოვნად განსხვავდება რეგიონების მიხედვით. ქვეყნის წყლის რესურსების სამინისტრომ ადრე გააფრთხილა ზოგიერთ რაიონში ძლიერი ნალექებისა და წყალდიდობის რისკის შესახებ.
ხელისუფლების ცნობით, გასულ წელს მსგავს მოვლენებს 1235 ადამიანი ემსხვერპლა და 1,2 მილიონზე მეტი მცხოვრები იძულებული გახდა, საკუთარი სახლები დაეტოვებინა.
