აშშ-ის პრეზიდენტმა დონალდ ტრამპმა განაცხადა, რომ ირანთან ბირთვული იარაღის შესახებ შეთანხმების მიღწევა კიდევ უფრო მოახლოვდა.
ტრამპმა ამის შესახებ თეთრი სახლის ოვალურ კაბინეტში ჟურნალისტებთან საუბრისას განაცხადა. იუწყება ABC News
ტრამპის თქმით, თეირანი არ არის დაინტერესებული სამხედრო კონფლიქტით, რაც იმას ნიშნავს, რომ მას შეუძლია კომპრომისზე წასვლა.
„ვფიქრობ, ირანთან შეთანხმებასთან საკმაოდ ახლოს ვართ. მათ არ სურთ გამწვავება, გარიგების დადებას ამჯობინებენ. და მე ვფიქრობ, რომ ეს შეიძლება უახლოეს მომავალში მოხდეს და შესანიშნავი იქნება, თუ შეთანხმებას მთელი ახლო აღმოსავლეთის დაბომბვის გარეშე მივაღწევთ,“ - განაცხადა ტრამპმა.
მედიაში გავრცელდა ინფორმაცია, რომ ირანი მზადაა ეკონომიკური სანქციების მოხსნის სანაცვლოდ, აშშ-ის პრეზიდენტ დონალდ ტრამპთან ბირთვული იარაღის შესახებ შეთანხმებას ხელი მოაწეროს.
კვირას, 11 მაისს, ირანელმა და ამერიკელმა მაღალჩინოსნებმა თეირანის ბირთვულ პროგრამაზე მოლაპარაკებები განაახლეს. ირანმა რეგიონის არაბულ ქვეყნებთან და ამერიკულ ინვესტიციებთან ერთად ერთობლივი ბირთვული გამდიდრების საწარმოს შექმნა შესთავაზა, როგორც ალტერნატივა ვაშინგტონის მოთხოვნებისა, სრულად დაშალოს მისი ბირთვული პროგრამა.
