ვარშავაში საგარეო საქმეთა მინისტრების არაფორმალურ შეკრებაზე საქართველოს დელეგაციის არმიწვევის შესახებ დასმული კითხვის საპასუხოდ, გერმანიის ელჩმა თქვა, ეს მოხდა იმიტომ, რომ „გასული წლის ივნისში ევროკავშრიმა გადაწყვიტა, საქართველოსთან მაღალი დონის შეხვედრები დაეპაუზებინა“.
„გასული წლის ივნისში ევროკავშირმა გადაწყვიტა, დაეპაუზებინა მაღალი დონის კონტაქტები საქართველოს მთავრობასთან, მიმდინარე კრიზისის გადაწყვეტამდე“, – განაცხადა გერმანიის ელჩმა.
კითხვაზე, უნდა თუ არა საქართველოს მთავრობას კრიზისის გადაჭრა, პეტერ ფიშერმა თქვა, რომ „ეს მათ უნდა ჰკითხოთ“.
„არ ვიცი, რა სურს საქართველოს მთავრობას, ეს მათ უნდა ჰკითხოთ. იმედი მაქვს, რომ საქართველო, ქვეყანა, თავისი მოქალაქეებით დაუბრუნდება ამ გზას. ეს ჩვენი იმედია, მაგრამ საქართველოს გადასაწყვეტია. და რა არის საქართველო, საქართველო არის ქართველი ხალხი, მხოლოდ მთავრობა არ უერთდება ევროკავშირს, არც პარლამენტი, არც ბიზნესსექტორი, არამედ ყველა ერთად, დიდი ეროვნული ძალისხმევაა. ჩვენ გავაკეთეთ კანდიდატის სტატუსის შეთავაზება, ეს საუკეთესო რამ იყო, რისი გაკეთებაც შეგვეძლო“, – განაცხადა გერმანიის ელჩმა.
