ბელორუსი დეპუტატები საქართველოში ვიზიტის შემაჯამებელ ანგარიშს საჯაროდ არ გამოაქვეყნებენ.
განცხადება ამის შესახებ ადგილობრივ ჟურნალისტებთან წარმომადგენელთა პალატის საერთაშორისო კომისიის თავმჯდომარე სერგეი მასკევიჩმა გააკეთა.
მისი თქმით, დეპუტატებს არ სურთ მათი საქართველოში ვიზიტი მედიის სასაუბრო თემად იქცეს.
ამასთან, მასკევიჩის განმარტებით, აფხაზეთისა და სამხრეთ ოსეთის დამოუკიდებლობის აღიარების საკითხს მინსკი პირადი ინტერესებიდან გამომდინარე გადაწყვეტს.
აღსანიშნავია, რომ ბელორუსი დეპუტატების სამივე ჯგუფი, რომელიც ცალ-ცალკე თბილისს, სოხუმსა და ცხინვალს სტუმრობდა, საქართველოში ვიზიტის შესახებ საკუთარ ანგარიშს ბელორუსის პარლამენტს მიმდინარე კვირას წარუდგენენ.
