უკრაინული წარმოების დრონმა, რომელიც თავს დაესხა სანქტ-პეტერბურგში ნავთობბაზას, ვიდრე სამიზნემდე მიაღწევდა 1 250 კილომეტრი დაფარა.
ამის შესახებ უკრაინის მრეწველობის სტრატეგიული დარგების მინისტრმა ოლექსანდრ კამიშინმა დავოსის მსოფლიო ეკონომიკური ფორუმის ფარგლებში გამართულ პანელზე განაცხადა. იუწყება უკრაინული მედია.
"ჩვენ შეგვიძლია ყველაფრის წარმოება: როგორც მცირე ზომის, 350 დოლარის ღირებულების დრონები, ასევე ის, რაც სანქტ-პეტერბურგამდე მიფრინდა. მან 1250 კმ გაიარა და სამიზნეს მოხვდა. ახლა ჩვენ შეგვიძლია უფრო მეტის დამზადება. ასიმეტრიული ომი მოითხოვს უამრავ უპილოტო საფრენ აპარატს. დარწმუნებული ვარ, წელს ჩვენ ბევრ ასეთ მოვლენას ვნახავთ", - განაცხადა კამიშინმა.
18 იანვარს, ღამით, სანქტ-პეტერბურგში ნავთობ-ბაზაზე დრონით შეტევა განხრციელდა.
უკრაინული მედიის ცნობითვე, ეს უკრაინის დაზვერვის მთავარი სამმართველოს სპეცოპერაცია იყო.
