24 ნოემბერს ლატვიის პრეზიდენტი ედგარს რინკევიჩსი მოულოდნელი ვიზიტით უკრაინაში იმყოფებოდა.
რინკევიჩსის ვიზიტი წინასწარ არ იყო ცნობილი, ამის შესახებ ლატვიის პრეზიდენტმა გვიან საღამოს ისაუბრა.
მისი თქმით, მან მოინახულა რამდენიმე ობიექტი ჩერნიგოვის რეგიონში, რომლებიც აღდგენილია ლატვიის სახსრებით, ასევე შეხვდა უკრაინის პრეზიდენტს ვოლოდიმირ ზელენსკის და განიხილა ორმხრივი ურთიერთობები და ევროკავშირისა და ნატოს მხარდაჭერის საკითხი.
„ლატვია იყო და ყოველთვის იქნება უკრაინის მტკიცე მხარდამჭერი და მეგობარი თავისუფლებისთვის ბრძოლაში“, - აღნიშნა ედგარს რინკევიჩსმა.
ასევე 24 ნოემბერს უკრაინაში ვიზიტით ლიეტუვის პრემიერ-მინისტრი ინგრიდა სიმონიტეც იმყოფებოდა.
მანამდე რინკევიჩსი აცხადებდა, რომ ევროკავშირისა და ნატო-ს ქვეყნებმა უნდა გაზარდონ თავდაცვის მრეწველობის შესაძლებლობები, რათა აწარმოონ საჭირო იარაღი თავისთვის და უკრაინისთვის.
