ისრაელის თავდაცვის ძალების სპიკერმა დანიელ ჰაგარიმ განაცხადა, რომ ისრაელელმა სამხედროებმა დაასრულეს სექტორის ჩრდილოეთით ქალაქ ღაზის ალყაში მოქცევა. ამის შესახებ გამოცემა Haaretz იტყობინება.
ჰაგარის თქმით, ისრაელელი სამხედროები "უტევენ ჰამასის პოზიციებს, სამეთაურო პუნქტებს, რაკეტების გამშვებ პოზიციებს, ინფრასტრუქტურას და ანადგურებენ ტერორისტებს დაახლოებულ ბრძოლებში".
მანამდე ისრაელის არმიის წარმომადგენლებმა განაცხადეს, რომ სამხედროები ჩართულნი არიან მჭიდრო ბრძოლებში „ჰამასის“ მებრძოლებთან, რომლებიც ახორციელებენ თავდასხმებს მიწისქვეშა გვირაბებიდან.
ისრაელის თავდაცვის ძალების ინფორმაციით, ბოლო რამდენიმე საათის განმავლობაში ჰამასის 130 მებრძოლი დაიღუპა. მათივე ცნობით, ღაზაში სახმელეთო ოპერაციის დაწყებიდან 20-მდე ისრაელელი ჯარისკაცია დაღუპული.
