ისრაელის თავდაცვის ძალებმა გაავრცელა განცხადება, რომელშიც ნათქვამია, რომ ლიკვიდირებულია „ჰამასის“ ბატალიონის „ცენტრალური ჯაბალიის“ უმაღლესი მეთაური იბრაჰიმ ბიარი.
ისრაელის პრესსპიკერის დანიელ ჰაგარის თქმით, იბრაჰიმ ბიარი 7 ოქტომბერს ისრაელზე „ჰამასის“ თავდასხმის დროს ერთ-ერთი ლიდერი იყო და ის ჩრდილოეთ ღაზაში „ჰამასის“ მიმდინარე ოპერაციებს ხელმძღვანელობდა.
ჰაგარის თქმით, იერიშის შემდეგ ტერორისტების მიერ მიწისქვეშ განლაგებული ინფრასტრუქტურა შენობების ქვეშ ჩაინგრა, ხოლო ტერორისტული ორგანიზაციის ქმედუნარიანობა ღაზის სექტორში მნიშვნელოვნად დაზიანდა.
მანამდე მედიამ ღაზის სექტორში მდებარე ჯაბალიის ლტოლვილთა ბანაკში მომხდარი აფეთქების შესახებ ინფორმაცია გაავრცელა. დაუდასტურებელი ცნობებით, „ჰამასის“კონტროლირებადმა ჯანდაცვის სამინისტრომ განაცხადა, რომ ისრაელის საჰაერო იერიშს ლტოლვილთა ბანაკში 50-მდე ადამიანი ემსხვერპლა. ისრაელის მხარემ კომენტარი მოგვიანებით გააკეთა.
ისრაელის თავდაცვის ძალების სპიკერმა დანიელ ჰაგარიმ დაადასტურა, რომ ისრაელის გამანადგურებლებმა იერიში მიიტანეს განახორციელეს, ჯაბალიის ლტოლვილთა ბანაკზე. მისი თქმით, ამის შედეგად „ჰამასის“ ერთ-ერთი მეთაური დაიღუპა.
ისრაელის თავდაცვის ძალების არაბულენოვანი პრესსპიკერის ავიხაი ადრაის თქმით კი, იერიშის შედეგად ისრაელის სამხედრო ნაწილმა ჯაბალიაში მდებარე სიმაგრეზე კონტროლი დაამყარა, შეტევისას კი 50 ტერორისტი დაიღუპა.
