ჟურნალისტთა დაცვის ამერიკის კომიტეტის (CPJ) ინფორმაციით, ისრაელი-ჰამასის ომის დაწყებიდანპრესის 31 წარმომადგენელი დაიღუპა. კომიტეტი ხაზს უსვამს, რომ ჯერ არ იცის, დაღუპულთაგან რამდენი იყო ჟურნალისტი და გრძელებს გარემოებების შესწავლას.
CPJ-ს თანახმად, პრესის დაღუპულ წარმომადგენლებს შორის, 26 პალესტინელი, ოთხი ისრაელელი და ერთი ლიბანელი იყო.
კომიტეტის თანახმად, პალესტინელების აბსოლუტური უმრავლესობა, დაიღუპა სახლში ისრაელის საჰაერო და საარტილერიო დარტყმების შედეგად.
შვიდი დაღუპული პალესტინელის შესახებ მოკლე ინფორმაციაში აღნიშნულია, რომ ისინი მუშაობდნენ „ჰამასთან“ აფილირებულ მედიაში.
ოთხივე ისრაელელი 7 ოქტომბერს დაიღუპა „ჰამასის მებრძოლების თავდასხმის შედეგად. მოკლე მონაცემებისმიხედვით, დაღუპვის მომენტში არც ერთი მათგანი სამსახურეობრივ მოვალეობას არ ასრულებდა.
Reuters-ის ოპერატორი, ლიბანელი ისამ აბდალა ლიბან-ისრაელის საზღვართან ისრაელის დარტყმების შედეგად დაიღუპა.
CPJ-ის ცნობით, პრესის რვა თანამშრომელი დაშავდა, კიდევ ორი კი დაკარგულად არის მიჩნეული.
