„ჰამასის“ მიერ გატაცებული მძევლების ოჯახის წევრები შეშფოთებას გამოთქვამენ ღაზაში ისრაელის სამხედრო ოპერაციების გაძლიერების გამო.
მძევლებისა და უგზო-უკვლოდ დაკარგულთა ოჯახების წარმომადგენლებისგან შექმნილმა კომიტეტმა გამოაქვეყნა განცხადება, რომელშიც მოითხოვა სასწრაფო შეხვედრს პრემიერ-მინისტრ ბენიამინ ნეთანიაჰუსა და ისრაელის თავდაცვის მინისტრთან, რათა განიხილონ გატაცებული ისრაელელების უსაფრთხოება.
ბოლო მონაცემებით, ტერორისტებს 229 ადამიანი ჰყავთ მძევლად აყვანილი.
ისრაელის თავდაცვის ძალებმა განაცხადა, რომ გააფართოვა სამხედრო მოქმედებები ღაზას სექტორის ჩრდილოეთ ნაწილში.
ამასთან, ისრაელის ხელისუფლება ირწმუნება, რომ მძევლების ბედი მათთვის პრიორიტეტულია და ოპერატიული გადაწყვეტილების მიღებისას უპირველეს ყოვლისა, მათი უსაფრთხოების საკითხს ითვალისწინებენ.
