ყაზახეთში ყარაგანდის რეგიონში, მაღაროში მომხდარი აფეთქების შედეგად 21 მაღაროელი დაიღუპა. კიდევ 23 ადამიანის ძებნა გრძელდება. შემთხვევის შემდეგ ყაზახეთის ხელისუფლებამ გასცა განკარგულება შეწყდეს თანამშრომლობა კომპანია ArcelorMittal Temirtau-სთან, რომელიც 1990-იანი წლებიდან ყარაგანდაში მაღაროებსა და დიდ მეტალურგიულ ქარხანას ფლობს.
ArcelorMittal Temirtau-ს მაღაროს მფლობელმა (ლუქსემბურგში დაფუძნებული ფოლადის კონცერნის შვილობილი კომპანია) თქვა, რომ სავარაუდოდ, მაღაროში მეთანის გაზი აფეთქდა, რამაც ხანძარი გამოიწვია.
როგორც Reuters-ი კომპანიის განცხადებაზე დაყრდნობით იუწყება, მაღროში 252 ადამიანი იმყოფებოდა, მათგან 208-ის გამოყვანა მოხერხდა.
ყარაგანდაში ჩავიდა ყაზახეთის პრეზიდენტი ქასიმ-ჟომართ თოყაევი, რომელმაც "კომპანიასთან საინვესტიციო თანამშრომლობის შეწყვეტის" განკარგულება გასცა.
ყაზახეთის ხელისუფლებამ შაბათს განაცხადა, რომ ისინი ასრულებენ შეთანხმებას კომპანიის ნაციონალიზაციის შესახებ.
„ამჟამად მიმდინარეობს მუშაობა, რათა საწარმო ყაზახეთის რესპუბლიკის მფლობელობაში დაბრუნეს“, - განაცხადეს მთავრობის პრესსამსახურში.
