ისრაელელმა სამხედროებმა განაცხადეს, რომ მოკლულია „ჰამასის“ ერთ-ერთი მეთაური, რომელიც, სავარაუდოდ ხელმძღვანელობდა მებრძოლებს, რომლებმაც 7 ოქტომბერს პარაპლანებით შეაღწიეს ისრაელში და თავს დაესხნენ მშვიდობიან მოქალაქეებს. მათივე განცხადებით, ის ასევე პასუხისმგებელი იყო ისრაელის სამხედრო პოსტებზეუპილოტო თვითმფრინავებით თავდასხმებზე.
ისრაელის თავდაცვის ძალების თანახმად, გასული ღამის განმავლობაში, ისრაელის არმიის გამანადგურებლებმა დაარტყეს ასემ აბუ რაქაბას, „ჰამასის“ საჰაერო ფრთის მეთაურს.
„აბუ რაქაბა პასუხისმგებელი იყო დრონებზე, პარაპლანებზე, საჰაერო სამიზნეების აღმოჩენასა და „ჰამასის“ დაცვაზე. მან მონაწილეობა მიიღო 7 ოქტომბრის ხოცვა-ჟლეტის დაგეგმვაში, მეთაურობდა ტერორისტებს, რომლებმაც ისრაელში პარაპლანებით შეაღწიეს და პასუხისმგებელი იყო ისრაელის თავდაცვის ძალების საგუშაგოებზე დრონებით თავდასხმებზე“, - აღნიშნულია ისრაელის არმიის განცხადებაში.
