ისრაელის თავდაცვის ძალების სპიკერმა ადამ დანიელ ჰაგარმა განაცხდა, რომ „ჰამასი“ ომს აწარმოებს საავადმყოფოებიდან და იყენებს მათ როგორც „ტერორის ინფრასტრუქტურას“.
მან განსაკუთრებით გამოყო ღაზას უმსხვილესი საავადმყოფო ალ-შიფა და თქვა, რომ მის ქვეშ აშენდა მიწისქვეშა გვირაბების მთელი ქსელი. ეს არ არის ახალი ინფორმაცია, ამის შესახებ ბრალდებები, მყარი მტკიცებულებების გარეშე, დიდი ხანია ვრცელდება
ჰაგარმა ასევე თქვა, რომ 7 ოქტომბრის თავდასხმის შემდეგ "ასობით ტერორისტი გაიქცა ამ საავადმყოფოში დასამალად". როგორც ჰაგარმა აღნიშნა, ისრაელის დაზვერვის მონაცემები, მიუთითებს, რომ "ღაზას საავადმყოფოებში საწვავია და „ჰამასი იყენებს“ მას ტერორისტული ინფრასტრუქტურისთვის".
ჰუმანიტარული ორგანიზაციები და ექიმები ღაზაში აცხადებენ, რომ საწვავი იწურება, თუმცა ისრაელმა არ დაუშვა ჰუმანიტარული დახმარების კოლონებით საწვავის შეტანა. ისრაელი აცხადებს, რომ ღაზაში საწვავი არის, უბრალოდ „ჰამასი“ იყენებს მას თავისი და არა მშვიდობიანი მოსახლეობის საჭიროებებისთვის.
