აშშ-მა სანქციები დაუწესა რვა ფიზიკურ პირს „ჰამასის“ მხარდაჭერისთვის, ასევე „ისლამური რევოლუციის გუშაგთა კორპუსის“ მაღალჩინოსნებს, რომლებიც „ჰამასის“ დაფინანსებასა და მომზადებაში არიან ჩართული. ამის შესახებ ნათქვამია სახელმწიფო დეპარტამენტის მიერ გავრცელებულ განცხადებაში.
ამას გარდა, აშშ-მა სანქციები დაუწესა ერთ კომპანიას, რომელსაც კავშირი აქვს რეგიონში მოქმედ ტერორისტულ დაჯგუფებებთან, მათ შორის „ჰამასთან“ და „პალესტინის ისლამურ ჯიჰადთან“.
„დღევანდელი ქმედება ხაზს უსვამს შეერთებული შტატების ერთგულებას გაანადგუროს „ჰამასის“ დაფინანსების ქსელი. ჩვენი ანტიტერორისტული სანქციების დანერგვით და ჩვენს საერთაშორისო პარტნიორებთან მუშაობით, „ჰამასს“ მოვუსპობთ შესაძლებლობას გამოიყენოს საერთაშორისო ფინანსური სისტემა. აშშ არ დააყოვნებს ზომების მიღებას, რათა კიდევ უფრო შეასუსტოს „ჰამასის“ შესაძლებლობა განახორციელოს ტერორისტული თავდასხმები“, - თქვა აშშ-ის ფინანსთა დეპარტამენტის მდივნის მოადგილემ, უოლი ადეიმმა.
და ამასთან, სახელმწიფო დეპარტამენტის მილიონობით დოლარის ოდენობის ჯილდოს სთავაზობს „ჰამასის“ აქტივობებისა და ლიდერების შესახებ ინფორმაციის სანაცვლოდ.
