ისრაელის საგარეო საქმეთა სამინისტრომ მოსკოვში “ჰამასის” პოლიტიკური ხელმძღვანელობის დელეგაციის ვიზიტთან დაკავშირებით განცხადება გაავრცელა დარუსეთში დელგაციის მიწვევას აღმაშფოთებელი უწოდა.
„ჰამასი ისლამურ სახემწიფოზე უარესი ტერორისტული ორგანიზაციაა. ჰამასის მაღალჩინოსნების ხელები შეღებილია 1400-ზე მეტი ისრაელელის სისხლით, მათ ყელი გამოჭრეს, დახოცეს, დახვრიტეს და დაწვეს ისრაელელები. ისინი პასუხისმგებელნი არიან 220-ზე მეტი ისრაელელის, მათ შორის ჩვილების, ბავშვების, ქალებისა და მოხუცების გატაცებაზე“, - ნათქვამია სამინისტროს განცხადებაში.
რუსეთის საგარეო საქმეთა სამინისტრომ დაადასტურა, რომ ჰამასის დელეგაცია მოსკოვში ჩავიდა.
„მოსკოვში იმყოფება ჰამასის პოლიტბიუროს წევრი აბუ მარზუკი. მასთან შეხვედრა შედგა ღაზას სექტორში მყოფი მძევლების დაუყოვნებლივ გათავისუფლებასთან დაკავშირებით რუსული ხაზის გაგრძელების შესახებ, ასევე განიხილეს ღაზას ტერიტორიიდან რუსეთის და სხვა უცხოელი მოქალაქეების ევაკუაციის უზრუნველყოფის საკითხები“, - განაცხადესრუსეთის საგარეო საქმეთა სამინისტროში.
