სლოვაკეთის ახალი პრემიერ-მინისტრი რობერტ ფიცო აცხადებს, რომ უკრაინის სამხედრო დახმარებას არ დაუჭერს მხარს. ამის შესახებ რობერტ ფიცომ პარლამენტის ევროპის საქმეთა კომიტეტზე გამოსვლისას განაცხადა. ინფორმაციას უკრაინული მედია სლოვაკურ გამოცემა Aktuality-ზე დაყრდნობით ავრცელებს.
რობერტ ფიცო ამ საკითხზე საარჩევნო კამპანიის დროსაც საუბრობდა.
„უმჯობესია 10 წლის გაბნავლობაში აწარმოონ მშვიდობის შესახებ მოლაპარაკება, ვიდრე 10 წელი ერთმანეთი დახოცონ ყოველგვარი შედეგის გარეშე“, - განაცხადა მან კომიტეტის წევრებთან გამოსვლისას.
პრემიერ-მინისტრმა ასევე დასძინა, რომ მისი აზრით, ომის ამ ეტაპზე რუსეთს „უკრაინაზე უფრო დიდი ტერიტორიული მიღწევები აქვს“.
ფიცომ ასევე, განაცხადა, რომ არ აპირებს რუსეთის წინააღმდეგ დასავლეთის სანქციების მხარდაჭერას ევროკავშირის ქვეყნებზე მათი გავლენის შეფასების გარეშე.
