ლიბიის პარლამენტი მოითხოვს, რომ იმ ქვეყნების ელჩებმა, რომლებიც მხარს ისრაელს უჭერენ, ქვეყანა დატოვონ.
ლიბიის პარლამენტის მიერ გამოქვეყნებულ განცხადებაში აღნიშნულია, რომ იმ შემთხვევაში, თუ ეს ქვეყნები არ შეაჩერებენ ისრაელის მხარდაჭერას, პარლამენტი მთავრობას მოსთხოვს, შეაჩეროს ნავთობისა და გაზის ექსპორტი იმ კონკრეტული სახელმწიფოებისთვის.
თუ სიონისტური მტერი ხოცვა-ჟლეტას არ შეაჩერებს, მოვთხოვთ ლიბიის მთავრობას, შეაჩეროს ნავთობისა და გაზის ექსპორტი იმ სახელმწიფოებისთვის, რომლებიც მხარს უჭერენ მას“, - აღნიშნულია განცხადებაში.
განცხადებაში ასევე აღნიშნულია, რომ მკაცრად გმობენ აშშ-ის, გაერთიანებული სამეფოს, საფრანგეთისა და იტალიის მთავრობების ქმედებებს.
„ეს ქვეყნები მხარს უჭერენ ისრაელს ღაზის სექტორში ჩადენილ დანაშაულებში, ხოლო მათი ლიდერები ლექციებს ატარებენ ადამიანის უფლებებზე“, - წერია განცხადებაში.
